प्रभाग क्र. 2 च्या सभेत एका वृद्ध महिलेनं आपला वेदनादायी अनुभव मांडला. कोरोनाच्या काळात तिने मदतीसाठी तत्कालीन नगरसेवकांकडे धाव घेतली होती. मात्र त्यावेळी तिला सांगण्यात आलं – “नगरसेवक बंगल्यात झोपले आहेत, उद्या या.”
दुसऱ्या दिवशी ती पुन्हा गेली असता नगरसेवकांनी उत्तर दिलं – “तुमचं घर माझ्या क्षेत्रात नाही, मी मदत करू शकत नाही.”
त्यावर त्या महिलेनं हळहळ व्यक्त केली – “मत मागायला आलात तेव्हा आम्ही तुमचेच होतो, पण आता मदतीची वेळ आली तेव्हा आम्ही तुमच्या क्षेत्रातले नाही असं म्हणता.”
या वेदनादायी कथनानंतर सभेत उपस्थित नागरिकांच्या डोळ्यांत अश्रू तरळले.
यावेळी उमेदवार शिंदे मल्लू मारुती यांनी भावनिक शब्दांत जनतेला दिलासा दिला –
“अशी चूक पुन्हा होऊ देऊ नका. तुम्ही मला आणि माझ्या कामाला ओळखता. मी वचन देतो – तुम्ही कधीही एकटे राहणार नाही. मुख्यमंत्री एकनाथ शिंदे यांनी ‘लाडकी बहिण’ सारख्या योजना सुरू करून जनतेला आधार दिला आहे. इतिहासात कोणी धाडस केलं नाही ते त्यांनी केलं. ते आपले भाऊ आहेत, आणि मी तुमचा माणूस आहे.”
सभेत उपस्थित नागरिकांनी टाळ्यांचा कडकडाट करत मल्लू शिंदे यांना भरभरून प्रतिसाद दिला.
